Mudcat Café message #236590 The Mudcat Café TM
Thread #2431   Message #236590
Posted By: GUEST,little John Cameron
31-May-00 - 07:53 PM
Thread Name: Lyr Req: The 37 Bus
Subject: Lyr Add: THE 37 BUS (Ian McCarry and Tom Docherty)
Here ye go mah boy. Mah favorite.

THE 37 BUS.
(written by Ian McCarry and Tom Docherty)

Ah wiz sittin on the upper deck o' a 37 bus
Ah seen big Jimmie swillin wine An' stirrin up a fuss
The driver stopped the the bus right sharp an' belted up the stair
"Yie can get the Hell right aff this bus if ye gie us any mair"

:Pal,no offense "big Jimmie said : "if ye knew what I 've been through
Ye widnae say such things tae me or blame a man that's fu'
fur Ah lost ma pile on the dugs taenight , Ah'll huv yes fur tae know
Fur Ah put down all ma overtime pay on a dug that widnae go"

The driver said " Ah dinnae care nor gie a Tinker's curse
Yer swearin an yer bawlin is disturbin a' the bus
Ah've hud aboot enough of you,a lot more than Ah need
If ye dont haud that big tongue o' yours , Ah'll stuff it doon yer heid."

Big Jimmie looked up and he sighed and he finished aff his wine
He says " The way ye've spoke tae me has went right oot o' line
Ah've sorted out 15 like you tae get intae a fight
Get doon on yer knees and beg fur help ,yah dirty little shite."

At this the bus began tae clear as people got off fast
Wi' good auld Glasgow chivalry the wimmen an children last
They gathered round and they shouted out fur they didnae like big Jim
Come now driver sink the boot, get stuck right intae him."

The driver smiled and waded in kicking and swinging blows
Until he got Jim's big square heid aplanted on his nose
His knee came up, his fist went doon that wiz the battle o'er
So he jumped a couple o' times on his heid as he lay upon the floor

An' staightaway the polis came up tae capture Jim
In threes an' fours an' dozens , well he laid them oot round him
An' when wi' forty stoatin him he finally sensless sank
Ah counted fourteen polis hats washed away doon a stank

So if ye'er ever sittin on a 37 bus
An see big Willie swillin wine and kickin up a fuss
Don't try tae act the hero an throw big Jimmie aff
Cos the poor old Glasgow polis, They huvnae got the staff.

IN MEMORY ON MAH PAL BIG JIM[SOX]McSORLIE

John Cameron