Mudcat Café message #141733 The Mudcat Café TM
Thread #15631   Message #141733
Posted By: Bruce O.
28-Nov-99 - 01:38 PM
Thread Name: Tune Req: What are your favorite Scottish tun
Subject: RE: Tune Req: What are your favorite Scottish tun
This song is in 'The Little Warbler', I, p. 133, Oliver: Netherbow, 1804. The tune later appeared in Gow's 'Strathspey Reels', bk. 5 (1809).

Gow's Farewell to Whisky

You've surely heard o' famous Neil,
The man that played the fiddle weel,
I wat he was a canty chiel',
And dearly lo'ed the whiskey, O!
And ay sin' he wore tartan trews,
He dearly lo'ed the Athole brose;
And wae was he you may suppose,
To play fareweel to whiskey, O.

Alake, quoth Neil, I'm frail and auld,
And find my bluid grows unco cauld,
I think 'twad mak me blythe and bauld,
A wee drap highland whiskey, O
Yet the doctors they do agree,
That whiskey's no the drink for me:
Saul, quoth, 'twill spoil my glee,
Should they part me and whiskey, O.

Tho' I can get baith wine and ale,
And find my head and fingers hale,
I'll be content, tho' legs should fail,
To play fareweel to whiskey, O.
But still I think on auld lang syne,
When Paradise our friends did tyne,
Because something ran in their mind
Forbid, like highland whiskey, O.

Come, a' ye powers of music, come!
I find my heart grows unco glum;
My fiddle-strings will no play bum
To say fareweel to whiskey, O.
Yet I'll tak my fiddle in my hand,
And screw the pegs up while they'll stand,
To mak a lamentation grand,
On gude auld highland whiskey, O.